Таны байрлал : Нүүр хуудас Нийгэм, э/з Гадаад харилцаа
Сэлэнгэ аймгийн Засаг даргын Тамгын газар Чанарын удирдлагын тогтолцоо ISO 9001:2008 олон улсын стандартыг амжилттай хэрэгжүүлж гэрчилгээгээ гардаж авлаа.
Гадаад харилцаа

Алтанбулаг экспо-2016” олон улсын форум Сэлэнгэ аймагт болно

Нийгэм эдийн засаг - Гадаад харилцаа

2016 оны 3-р сарын 11, Баасан гариг, 19:01

“Алтанбулаг экспо-2016” олон улсын үзэсгэлэн, форум ирэх 5-р сарын 20-ноос 21-ний өдрүүдэд Сэлэнгэ аймгийн “Алтанбулаг” чөлөөт бүсд болно. Тус арга хэмжээний бэлтгэл ажлыг хангах, “Алтанбулаг” чөлөөт бүсийн үйл ажиллагаатай танилцах, цаашид авч хэрэгжүүлэх арга хэмжээний талаар чиглэл өгөхөөр АҮЯ-ны төрийн нарийн бичгийн дарга Д.Нямхүү, тус яамны ХҮБЗГ-ын дарга Ш.Гэрэлчимэг, Чөлөөт бүсийн хөгжил, аж үйлдвэрийн паркийн хэлтсийн дарга Т.Чимэгсанаа, мөн яамны Төрийн захиргааны удирдлагын газрын мэдээлэл, технологийн хэлтсийн дарга Б.Даваа, Хөнгөн үйлдвэрийн бодлого зохицуулалтын газрын мэргэжилтэн Д.Мөнхжаргал, Чөлөөт бүсийн хөгжил, аж үйлдвэрийн паркийн хэлтсийн мэргэжилтэн М.Цэрэгжүрмэд нар өнөөдөр Сэлэнгэ аймагт ажиллалаа. Ажлын хэсгийнхэн аймгийн удирдлагууд болон хил, гааль, МХГ, иргэний харьяатын шилжилт хөдөлгөөний газрын удирдлагуудтай уулзаж, үзэсгэлэн форум болох өдрүүдэд аймгийн зүгээс ямар ажил хийх талаар ярилцлаа. Тус олон улсын үзэсгэлэнд ОХУ, БНХАУ-ын иргэд, аж ахуйн нэгжүүд худалдаа үйлчилгээ явуулахаар харилцан зорчиж үзэсгэлэнд оролцох учраас эдгээр өдрүүдэд аль болох хил, гаалийн асуудлыг нарийвчлан зохицуулж, эртнээс хилийн асуудлаар харилцан тохиролцон арга хэмжээ авч ажиллах чиглэлийг ч мөн өглөө. Мөн гаалийн зүгээс хүндрэл учруулахгүй байх, бараа бүтээгдэхүүнийг уян хатан нөхцөлтэйгээр нэвтрүүлэх, дарааллын дугаар үүсгэж хүндрүүлэхгүй байх зэрэг асуудлуудыг тухайн хоёр өдөрт анхаарахыг хөндлөө. Сэлэнгэ аймгийн зүгээс тус үзэсгэлэн худалдааг зохион байгуулах ажлын хэсэгт аймгийн ЗДТГ-ын дарга Ө.Сувдаа орж ажиллах аж. Эдгээр өдрүүдэд зохион байгуулагдах арга хэмжээний үеэр аймгийн АДБ-ийн “Сэлэнгийн долгио” чуулгын тоглолтыг зохион байгуулах, буудал, хоолны газруудыг бэлтгэх, хил, гааль орчмын үйл ажиллагааг нэг цонхны үйл ажиллагаанд шилжүүлэх зэрэг олон асуудлыг хэлэлцлээ. Ирэх долоо хоногт тухайн үйл ажиллагааны албан ёсны хөтөлбөр батлагдах учраас түүний дагуу ажлын хэсгийнхэн ажилдаа орох юм байна.

 

 
 

ОХУ-ын Буриад улсын Зэдийн аймаг, Сэлэнгэ аймгийн хооронд хамтран ажиллах гэрээ үзэглэлээ

Нийгэм эдийн засаг - Гадаад харилцаа

2016 оны 2-р сарын 20, Бямба гариг, 16:09

Өнөөдөр ОХУ-ын Буриад улсын Зэдийн аймгийн ЗДТГ, Сэлэнгэ аймгийн ЗДТГ-ын хооронд хамтран ажиллах гэрээнд гарын үсэг зурах ёслол боллоо. Сэлэнгэ аймгийн ЗДТГ-ын хурлын их танхимд болсон энэхүү үйл ажиллааанд ОХУ-ын Зэдийн аймгийн дарга В.Р.Цыреннов, 16 сумдын удирдлагуудтайгаа, Сэлэнгэ аймгийн Засаг дарга С.Бүрэнбат, засаг даргын орлогч Н.Батдорж, ЗДТГ-ын дарга Ө.Сувдаа болон аймгийн хэлтэс, агентлагийн дарга нар, хэвлэл мэдээллийнхэн оролцлоо. Хөрш хоёр аймгийн ЗДТГ-ын дарга Е.В.Кулюшина, Ө.Сувдаа нар хамтран ажиллах гэрээнд гарын үсэг зурсны дараа Сэлэнгэ аймгийн удирдлагууд дурсгалын зураг татуулсан юм. Олон жилийн нөхөрлөл, хамтын ажиллагаатай хоёр аймгийн тухайд эрүүл мэнд, боловсрол, хөдөө аж ахуй болон бусад чиглэлд хамтран ажиллаж ирсэн уламжлалтай. Энэ удаа ч энэ чиглэлүүдээрээ хамтран ажиллахаар гэрээгээ үзэглэлээ. Зэдийн аймгийн төлөөлөгчид Сэлэнгэ аймагт хоёр өдөр саатаж, аймгийн Нэгдсэн эмнэлэг, Улсын тэргүүний ЕББД 1-р сургууль, хөдөө аж ахуй, үйлдвэрлэлийн аж ахуйтай танилцах юм.

 

 
 

Аймгийн Засаг дарга БНХАУ-д ажлын айчлал хийгээд ирлээ

Нийгэм эдийн засаг - Гадаад харилцаа

2016 оны 1-р сарын 23, Бямба гариг, 14:05