Таны байрлал : Нүүр хуудас Удирдлага Аймгийн ИТХ ИТХ - ын мэдээ
Сэлэнгэ аймгийн Засаг даргын Тамгын газар Чанарын удирдлагын тогтолцоо ISO 9001:2008 олон улсын стандартыг амжилттай хэрэгжүүлж гэрчилгээгээ гардаж авлаа.
Аймгийн ИТХ - ын үйл ажиллагаа

ТӨРИЙН ДЭЭД ОДОН МЕДАЛИЙГ ГАРДУУЛЛАА.

Мэдээ: ИТХ - Аймгийн ИТХ - ын үйл ажиллагаа

2015 оны 12-р сарын 28, Даваа гариг, 14:13

Монгол улсын Ерөнхийлөгчийн 2015 оны 12 дугаар сарын 21-ний өдрийн 188 дугаар зарлигаар эрхэлсэн ажилдаа амжилт гаргасан Сэлэнгэ аймгийн 75 иргэнийг төрийн дээд одон медалиар шагнаж урамшуулсан байна. Үүнээс “Хөдөлмөрийн гавъяаны улаан туг”-ийн одон 2, “Алтангадас” одон 39, “Цэргийн гавъяаны одон” -оор 1, “Хөдөлмөрийн хүндэт” медалиар 32, “Цэргийн хүндэт медаль”-аар 1 иргэнийг тус тус шагнаж урамшуулжээ.
Төрийн дээд одон медаль хүртсэн иргэдийн шагналыг Сэлэнгэ аймгийн иргэдийн Төлөөлөгчдийн Хурлын дарга Ж.Санжжав, аймгийн Засаг дарга С.Бүрэнбат нар 12 дугаар сарын 28-ны өдрийн 10.00 цагт аймгийн төв Сүхбаатар хотод аймгийн ЗДТГ-ын Хурлын их зааланд гардуулан өглөө. Сэлэнгэ аймгийн Сант, Сайхан, Орхон, Орхонтуул, Баруунбүрэн /баруун 5 сум/ сумдаас шагнагдсан хүмүүсийн шагналыг мөн өдрийн 14.00 цагт Сайхан суманд гардуулна.

 

 
 

Сэлэнгэ аймгийн ИТХ-ын 15-р хуралдаан боллоо.

Мэдээ: ИТХ - Аймгийн ИТХ - ын үйл ажиллагаа

2015 оны 12-р сарын 07, Даваа гариг, 13:36

 

Аймгийн иргэдийн төлөөлөгчдийн хурлын XV хуралдаан 2015 оны 12 сарын 04-ний өдөр аймгийн төв Сүхбаатар хотод хуралдаж дараах асуудлуудыг хэлэлцэн шийдвэрлэлээ.

1.Аймгийн 2015 оны төсвийн тодотгол болон 2016 оны төсвийн төслийг хэлэлцэн2015 оны төсвийг 62 619 102,2 мянган төгрөг, 2016 оны төсвийг 65 075 822,0 мянган төгрөг байхаар хэлэлцэн баталлаа.

2.Аймгийн эдийн засаг, нийгмийг хөгжүүлэх 2015 оны үндсэн чиглэлийн биелэлтийг хэлэлцээд төлөөлөгчдийн 100 хувийн саналаар хангалттай гэж үнэллээ. Мөн аймгийн 2016 оны үндсэн чиглэлийн төслийг хэлэлцээд Эдийн засаг, Нийгэм, Засаглалын бодлогын хүрээнд 115 ажил арга хэмжээг хэрэгжүүлэхээр зорилт тавилаа.

3.Өөр аймаг, нийслэлээс мод шилжүүлэн суулгах хүсэлт их хэмжээгээр ирсэнтэй холбогдуулан “Ойгоос мод шилжүүлэн суулгах журам болон үнэлгээг”-г батлан гаргалаа.

4.Мандал сумын ”Ноён уул” орчмын газрыг улсын тусгай хамгаалалтад авах талаар Байгаль орчин, ногоон хөгжил, аялал жуулчлалын яамнаас ирүүлсэн саналыг хэлэлцээд аймгийн иргэдийн Төлөөлөгчдийн Хурлын Төлөөлөгчдийн олонхийн саналаар Ноён уул орчмын газрыг Улсын тусгай хамгаалалтад хамруулах саналыг хэлэлцэхэд шаардлагатай мэдээлэл судалгаа дутуу байна гэж үзэж уг асуудлыг нарийвчлан судалж, санал боловсруулан аймгийн иргэдийн Төлөөлөгчдийн Хуралд оруулж хэлэлцүүлэх үүрэг бүхий ажлын хэсгийг томиллоо.

5.Замын хөдөлгөөний аюулгүй байдлын тухай хууль шинэчлэн батлагдсантай холбогдуулан ”Төлбөр хураамжийн хэмжээ тогтоох тухай”аймгийн иргэдийн Төлөөлөгчдийн Хурлын 2015 оны 5 дугаар сарын 28-ны өдрийн 66 дугаар тогтоолын үндэслэл хэсэгт “Хууль зүйн сайдын 2015 оны 02 сарын 25-ны өдрийн Журам батлах тухай А/30 дугаар тушаалыг” гэснийг “Замын хөдөлгөөний аюулгүй байдлын тухай хуулийн шинэчилсэн найруулгын 9 дүгээр зүйлийн 9.2.4 дэх заалтыг” гэж өөрчлөн баталлаа.

 
 

Сэлэнгэ аймгийн ИТХ-ын 15 дугаар хуралдаан болно.

Мэдээ: ИТХ - Аймгийн ИТХ - ын үйл ажиллагаа

2015 оны 11-р сарын 27, Баасан гариг, 17:06

 

2015 оны 12 дугаар сарын 04-ний өдөр Сэлэнгэ аймгийн иргэдийн Төлөөлөгчдийн Хурлын 15 дугаар хуралдаан аймгийн төв Сүхбаатар хотод болно. Хуралдаанаар:

Аймгийн 2015 оны төсвийн тодотгол

Аймгийн эдийн засаг, нийгмийг хөгжүүлэх 2015 оны үндсэн чиглэлийн биелэлт, 2016 оны үндсэн чиглэлийн төслийн тухай

Аймгийн 2016 оны төсвийн төслийн тухай

 

Ойгоос мод шилжүүлэн суулгах журмын төсөл зэрэг асуудлыг хэлэлцэх юм. Хуралдааны өмнөх өдөр Бодлогын хороод хуралдаж хуралдаанаар хэлэлцэх асуудлуудаар санал дүгнэлт гаргана.

 
 

Сэлэнгэ аймгийн ИТХ-ын дарга Ж.Санжжав Жавхлант суманд ажиллав.

Мэдээ: ИТХ - Аймгийн ИТХ - ын үйл ажиллагаа

2015 оны 10-р сарын 28, Лхагва гариг, 10:01

 

Сэлэнгэ аймгийн иргэдийн Төлөөлөгчдийн Хурлын дарга Ж.Санжжав энэ сарын 21-ний өдөр Жавхлант суманд ажиллалаа. Энэ үеэр тус сумын иргэдийн Төлөөлөгчдийн Хурлын дарга Н.Өлзийсайхан, Засаг дарга С.Нямсүрэн болон аймгийн иргэдийн Төлөөлөгчдийн Хурлын төлөөлөгч Ц.Рэгзэдмаа нар хамтран ажиллаж сум орон нутгийн цаг үеийн ажил амьдралын талаарх мэдээллийг дуулган зарим байгууллагын үйл ажиллагаатай танилцав. Тухайлбал, сумын ерөнхий боловсролын сургууль, цэцэрлэг, эрүүл мэндийн төв, соёлын төв зэрэг төр төсвийн байгууллагын үйл ажиллагаатай биечлэн танилцаж ажил үйлчилгээ, ололт амжилт, хүндрэл бэрхшээлтэй асуудал юу байгаа талаар ярилцсан юм. Жавхлант суманд эрүүл мэндийн чиглэлээр иргэдэд тулгамдаж буй гол асуудал нь эргэлтийн эмийн сан байхгүй, иргэдэд үйлчлэх эмийн сан /аптек/ үгүйгээс хэрэгцээ шаардлагатай эмийн үйлчилгээг авч чадахгүй байгаа юм. Аймгийн ИТХ-ын дарга Ж.Санжжав эмийн сангийн асуудлыг шийдвэрлэх талаар боломж эрж хайн ажиллахыг сумын удирдлагуудад үүрэг болголоо. МөнЖавхлант суманд сүү, цагаан идээ боловсруулдаг “Бумбат таван богд” хоршооны үйл ажиллагаатай танилцан тус хоршооны ажил үйлсийг сайшаан тэмдэглэв.Үүнээс гадна ирэх 2016 оны аймгийн төсөвт тусгагдан тус суманд хийгдэх ажлуудын талаар санал солилцсон юм.

 
 

Эмэгтэйчүүдийн манлайллыг дэмжинэ

Мэдээ: ИТХ - Аймгийн ИТХ - ын үйл ажиллагаа

2015 оны 10-р сарын 20, Мягмар гариг, 17:42

УИХ-ын Тамгын газар, НҮБ-ын хөгжлийн хөтөлбөр, Швейцарийн хөгжлийн агентлагийн дэмжлэгтэйгээр хэрэгжүүлж байгаа “Нутгийн өөрөө удирдах байгууллагын чадавхийг бэхжүүлэх нь” төслийн хүрээнд Сэлэнгэ аймагт “Нутгийн удирдлагад эмэгтэйчүүдийн манлайлал” аймаг, сумдын ИТХ-ын эмэгтэй төлөөлөгчдийн сургалтыг энэ сарын 22-23-ны өдрүүдэд явуулна.Сургалтад 144 төлөөлөгч хамрагдан Манлайллын тухай, Тулгамдсан асуудлыг тодорхойлох болон шинжлэх, Стратеги төлөвлөлт, Нөлөөллийн хүрээгээ бэхжүүлэх зэрэг сэдвүүдээр номын дуу сонсох юм.Сургалтыг “Монфемнет” үндэсний сүлжээ ТББ-ын Ерөнхий зохицуулагч Д.Энхжаргал, Иргэдэд туслах Хүний эрхийн төвийн тэргүүн С.Дондов, Хууль-Хүний эрх төв ТББ-ын тэргүүн Д.Цэнд-Аюуш нар удирдан явуулна.

 
 

АЙМГИЙН ИТХ-ЫН ТЭРГҮҮЛЭГЧДИЙН ЭЭЛЖИТ ХУРАЛДААН БОЛЖ БАЙНА.

Мэдээ: ИТХ - Аймгийн ИТХ - ын үйл ажиллагаа

2015 оны 10-р сарын 03, Бямба гариг, 10:40

Аймгийн иргэдийн Төлөөлөгчдийн Хурлын Тэргүүлэгчдийн ээлжит хуралдаан 2015 оны 10-02-ны өдрийн 11:00 цагт эхэллээ. Өнөөдрийн хуралдаанаар:

- “Ахуй үйлчилгээ хөтөлбөр”-ийн төсөл
- “Нийгмийн дэг журмыг хангах, гэмт хэргээс урьдчилан сэргийлэх хөтөлбөр”-ийн хэрэгжилт үр дүнгийн талаарх танилцуулга
- Аймгийн ИТХ-аас батласан зарим хөтөлбөрүүдэд хийгдсэн гүйцэтгэлийн аудитын тайлангийн тухай танилцуулга
- “Урсгал-Ус” ХХК-ны үйл ажиллагаанд хийгдсэн Байгаль орчны нөлөөлөх байдлын үнэлгээний тайланд санал өгөх тухай
- Тогтоол хүчингүй болгох тухай
- Зөвшөөрлийн хугацааг сунгах тухай
- Үндсэн хөрөнгөд бүртгэх тухай
- Үндсэн хөрөнгө шилжүүлэх тухай
- Үндсэн хөрөнгө дуудлагаар худалдах тухай зэрэг асуудлыг хэлэлцэж байна.

 

 
 

Хуудас 7-с 1

Валютын ханш

Үзүүлэлт

Манайд 4 зочид онлайн
  • Гишүүд : 12
  • Мэдээлэл : 1601
  • Вэб холбоос : 6
  • Мэдээллийг Үзсэн Тоо : 1095757
Travel Turne Tranzito