Таны байрлал : Нүүр хуудас Аймгийн тухай Бэлэг тэмдэг
Сэлэнгэ аймгийн Засаг даргын Тамгын газар Чанарын удирдлагын тогтолцоо ISO 9001:2008 олон улсын стандартыг амжилттай хэрэгжүүлж гэрчилгээгээ гардаж авлаа.
Бэлэг тэмдэг

Сэлэнгэ аймгийн бэлэг тэмдэг

Аймгийн тухай - Бэлэг тэмдэг

2014 оны 4-р сарын 05, Бямба гариг, 09:40

СЭЛЭНГЭ АЙМГИЙН БЭЛЭГ ТЭМДЭГ

Аймгийн ИТХ-ын 1999.12.24- ний өдрийн хуралдаанаар Аймгийн бэлэг тэмдгийн загварийг хэлэлцэн баталжээ.

Аймгийн бэлэг тэмдэг нь мөнх ногоон навчин дээр уриалан дуудагч эгшиглэнт дунг цэнхэр хадгаар ороон залсан, тэгш суурьтай, төгсгөлгүй үргэлжлэн дэлгэрэх түмэн насан хээгээр хөвөөлж, дээд хэсэгт нь гурван цагийг бэлэгдсэн хүслийг хангагч чандмань эрдэнэ байгуулсан дугариг хэлбэртэй, төв хэсэгт нь Сэлэнгэ түмний шүтээн болсон таван хан уул, тариан талбай, Сэлэнгэ их мөрнийг уран сайхны аргаар өнгө хослуулан дүрсэлсэн байна.

СЭЛЭНГЭ АЙМГИЙН ТУГ

Аймгийн ИТХ-ын 1999.12.24-ний хуралдаанаар Аймгийн тугны загварыг хэлэлцэн баталжээ.

Аймгийн туг нь мөнх тэнгэр, мөрөн голын усыг бэлэгдсэн хөх өнгөтэй. Тугны гурав хуваасны нэгийн ишэн талын хэсэгт Сэлэнгэ нутгийнхаа амьдралын эх бахархал болсон тариан түрүүг босоо байдалтайгаар тугны гурав хуваасны нэгийн доод хэсэгт мөрөн голоо төлөөлсөн хоёр цагаан долгионыг хөндлөнгөөр нь тус тус байрлуулсан байна. Эртний гурван мэргэдийн нутаг, ардын хувьсгалын өлгий нутаг гэдгийг бэлэгдэж гурван ширхэг улаан өнгийн залаа тугны төгсгөл хэсэгт залгасан байна. Тугны ишний төгсгөл нь шар өнгийн гурван молцог бүхий гурван салаа сэрээ байна. Тугны өргөн урт нь 1:2-ын харьцаатай байна.


 
 

Валютын ханш

Үзүүлэлт

Манайд 68 зочид онлайн
  • Гишүүд : 95
  • Мэдээлэл : 2111
  • Вэб холбоос : 6
  • Мэдээллийг Үзсэн Тоо : 1464603
Travel Turne Tranzito