Эмнэлгийн тусламж, үйлчилгээний тухай хуулийн 15 дугаар зүйлийн 15.23 дахь заалт болон Монгол Улсын Эрүүл мэндийн сайдын 2020 оны А/565 тоот тушаалын дагуу орон нутгийн өмчит Нэгдсэн эмнэлгийн төлөөлөн удирдах зөвлөлд ажиллах олон нийтийн төлөөллийг сонгон шалгаруулах гэж байна.

СОНГОН ШАЛГАРУУЛАЛТАНД:

• Даатгуулагчийн олонхийн эрх, хууль ёсны ашиг сонирхлыг хамгаалсан байгууллага,
• Эрүүл мэндийн чиглэлээр үйл ажиллагаа явуулдаг төрийн бус байгууллага
• Эрүүл мэндийн мэргэжлийн нийгэмлэг, холбоо, мэргэжлийн салбар зөвлөл өөрсдийн эрх барих байгууллагын баталгаажуулсан нэг хүнийг нэр дэвшүүлэх боломжтой.

ОЛОН НИЙТИЙН ТӨЛӨӨЛӨЛД НЭР ДЭВШҮҮЛЭХ ТӨРИЙН БУС БАЙГУУЛЛАГАД ТАВИГДАХ ШААРДЛАГА:

1. Сүүлийн зургаан сараас дээш хугацаагаар тасралтгүй үйл ажиллагаа явуулсан байх
2. Тухайн эмнэлэгтэй ашиг сонирхлын зөрчилгүй байх
3. Санхүүгийн зөрчилгүй байх

НЭР ДЭВШИГЧИД ДАРААХ ШАЛГУУРЫГ ХАНГАСАН БАЙНА:

1. Тухайн эмнэлэгтэй ашиг сонирхлын зөрчилгүй байх
2. Нийгмийн эрүүл мэнд болон анагаах ухааны боловсролтой, эсхүл эрх зүй, эдийн засаг, удирдлага, зохион байгуулалтын чиглэлээр мэргэшсэн, эрүүл мэндийн салбарт ажилласан туршлагатай байх
3. Улс төрийн намын удирдах, орон тооны болон сонгуульт ажил эрхэлдэггүй
4. Бусад эрүүл мэндийн байгууллагад хөрөнгө оруулалт хийгээгүй

НЭР ДЭВШИГЧИД ЭМНЭЛГИЙН ТУСЛАМЖ ҮЙЛЧИЛГЭЭНИЙ ТУХАЙ ХУУЛИЙН 15.1, 15.26-Д ТУС ТУС ЗААСАН ШАЛГУУРЫГ ХАНГАСАНЫГ НОТЛОХ ДАРААХ БАРИМТ БИЧГИЙГ БҮРДҮҮЛЖ ИРҮҮЛНЭ:

1.Нийтийн албанд томилогдохоор нэр дэвшсэн этгээдийн хувийн ашиг сонирхлын урьдчилсан мэдүүлэг

2.Боловсролын диплом, гэрчилгээ, үнэмлэхний хуулбар, мэргэшлийн зэргийн үнэмлэх эсхүл мэргэшүүлэх сургалтанд хамрагдсан диплом, гэрчилгээ, үнэмлэхний хуулбар, нийгмийн даатгалын дэвтрийн хуулбар

3.Улс төрийн намын удирдах, орон тооны болон сонгуульт ажил эрхэлдэггүйгээ баталгаажуулж бичсэн баталгаа

4.Хуулийн этгээдийн үүсгэн байгуулагч, хөрөнгө оруулагчийн талаарх лавлагаа

5. Нэр дэвшүүлж буй төрийн бус байгууллагаас сүүлийн 6 сард нийгмийн даатгалын шимтгэл төлсөн талаарх нийгмийн даатгалын байгууллагын эсхүл холбогдох татвар төлсөн талаарх татварын байгууллагын  эсхүл үйл ажиллагааны тайланг өгсөн талаарх улсын бүртгэлийн асуудал эрхэлсэн төрийн захиргааны байгууллагын лавлагаа

6.Нэр дэвшүүлж буй төрийн бус байгууллага нь санхүүгийн зөрчилгүй болохыг нотолсон аудитын байгууллагын тодорхойлолт

         Дээрх шаардлагыг хангасан гишүүн:

• Өргөдөл
• Төрийн албан хаагчийн анкет
• Дипломны хуулбар
• Иргэний үнэмлэхний хуулбар
• Харьяа байгууллагын тодорхойлолт
• Нийгмийн даатгалын дэвтрийн хуулбар
• Ашиг сонирхлын зөрчилгүй гэдгээ илэрхийлэх, зөрчил үүссэн тухай мэдэгдэл /УИХ-ын Хууль зүйн байнгын хорооны 2012 оны 05 дугаар тогтоолын 04 дүгээр хавсралт/
• Өр, төлбөргүй тодорхойлолт /Шүүхийн шийдвэр гүйцэтгэх алба, татварын газрын тодорхойлолт/

Төрийн бус байгууллагын гишүүн нэмэлтээр:

• Байгууллагын сүүлийн нэг жилийн үйл ажиллагааны тайлан, санхүүгийн тайланг тус тус бүрдүүлнэ.

СОНГОН ШАЛГАРУУЛАЛТЫН МАТЕРИАЛ ХҮЛЭЭН АВАХ ХАЯГ:

• Дээрх материалуудыг бүрдүүлэн 2022 оны 03 дугаар сарын 17-ний дотор Сэлэнгэ аймгийн Засаг даргын Тамгын газрын  106 тоо төрөө, Нийгмийн бодлогын хэлтсийн мэргэжилтэнд ирүүлнэ үү.
• Холбоо барих утас: 99039016