-Сэлэнгэчүүд бид тайвширч, анхаарал болгоомжоо сулруулж болохгүй гэдгийг Эрүүл мэндийн яам, ХӨСҮТөвийн ойрын өдрүүдийн мэдээлэл харуулж байгааг онцгой анхаарна уу!!!

-Өнөөдөр 1 тохиолдол Сүхбаатар сумын 3-р багт бүртгэгдлээ. Өмнөх тохиолдлын ойрын хавьтал, тусгаарлалт хяналтад авсан иргэн байна.

-Иргэд та бүхэн тэр дундаа Сүхбаатарчууд илүү их сонор сэрэмжтэй, халдвар хамгааллын дэглэмээ чанд баримталж, бусад сумдын иргэд Сүхбаатар сумруу замын хөдөлгөөнд оролцохгүй байх, нийт иргэд Мэргэжлийн байгууллагуудын заавар, зөвлөмжийг мөрдөн, шаардлагыг чанад биелүүлж вирусын тархалтыг зосгоон 0 болгоход хувь нэмрээ оруулна уу.

-Аймгийн Нэгдсэн эмнэлгийн “Ковид”-ын тасагт 21 тохиолдол эмчлэгдэж байна. 1 иргэний биеийн байдал хүндэвтэр, бусад нь хөнгөн шинж тэмдэгтэй, эмчилгээ хэвийн явагдаж байна.

-Аймгийн хэмжээнд нийт 9 байршилд 101 иргэн тусгаарлах байранд хяналтад байна.

-Аймгийн Онцгой комиссоос хатуу хөл хорионы дэглэмд шилжсэн үед төр, төсвийн болон, хувийн хэвшлийн байгууллагууд цаашид ямар горим журмаар үйл ажиллагаагаа явуулахыг тодотгож, санал дүгнэлтээ боловсруулан Улсын Онцгой комиссоос заавар зөвлөмж авч хамтран ажиллаж байна.

-12 дугаар сарын 15-ны өдөр Сэлэнгэ аймгаас гарах хөдөлгөөнд 237 иргэн, орох хөдөлгөөнд 338 оролцсон байна.

-Улсын хилээр орох чиглэлд ачаа тээврийн 7 галт тэрэгний 310 вагон, 14 ажилтан, гарах чиглэлд 6 галт тэрэг 229 вагон, 12 ажилтныг шалган нэвтрүүллээ.

-Ариутгал, халдваргүйжүүлэлтийг шаардлагатай объектуудад тухай бүр хийж, хяналт шалгалтын 175 цэгт 400 орчим харуул хамгаалалтын ажилтнууд үүрэг гүйцэтгэж байна.

-Монгол Улсын Засгийн газрын шийдвэрээр Сэлэнгэ аймгийн Алтанбулаг, Сүхбаатар сумын нутаг дэвсгэрийн хэмжээнд бүх нийтийн бэлэн байдлын зэрэг, хатуу хөл хорионы дэглэм хэвээр мөрдөгдөж байгаа тул энэ 2 сумын иргэд урдын адил гэр, гэртээ байж улс, аймгийн Онцгой комиссын шийдвэрийг дагаж мөрдөх үүргээ биелүүлэхийг онцгойлон анхааруулъя.

-Иргэд та бүхэн хувийн болоод гэр бүлийн ариун цэвэр, ариутгал халдваргүйжүүлэлтээ сайн хийж, иргэн бүр сонор сэрэмжтэй байна уу!!!

ИРГЭН БҮР ХАРИУЦЛАГА, УХАМСАРТАЙ БАЙЖ ЭРҮҮЛ БҮС НУТГИЙГ ХАМТДАА БҮТЭЭЦГЭЭЕ

АЙМГИЙН ОНЦГОЙ КОМИСС