УИХ-ын гишүүн Ч.Ундрам тойрогтоо ажиллах үеэр “Дархан-Сэлэнгийн автозамаас Шаамар-Зүүнбүрэн-Цагааннуур- Түшиг-Зэлтэрийн боомт чиглэлийн 120.85 км хатуу хучилттай авто замын төслийн ажлын явцтай танилцлаа. Шаамар-Зүүнбүрэн-Цагааннуур-Түшиг-Зэлтэрийн боомт чиглэлийн 120.8 км замыг “Монгол ЛЗ зам гүүр” ХХК 2022 оны 10-р сард хүлээлгэн өгөх гэрээтэй өнгөрсөн 6-р сараас замын ажилдаа орсон. /Энэ жилийн тухайд замын далан, шорооны ажлыг гүйцэтгэнэ. Ирэх жил үндсэн болон хучилтын ажлууд үргэлжлэн хийгдэж 10-р сард хүлээлгэн өгөх төлөвлөгөөтэй ажлаа эхлүүлсэн/
Тус компани замын ажлыг гүйцэтгэхдээ замын нэг, хоёрдугаар хэсэгт ажлаа төлөвлөн ажиллаж байгаа ба нэгдүгээр хэсгийн замын ажил Цагааннуур-Түшиг чиглэлд үргэлжлэн явагдаж байна. Өнөөдрийн байдлаар Цагааннуур хэсгийн замын ажлын гүйцэтгэл 80%-тай явагдаж байна. Тун удахгүй энэ хэсгийн ажил дуусч Түшиг чиглэлд шилжих төлөвлөгөө графиктай ажиллаж байгаа юм байна. Харин хоёрдугаар хэсгийн замын ажлын гүйцэтгэл өнөөдрийн байдлаар 13 хувийн гүйцэтгэлтэй үргэлжлэн явагдаж байна. Энэ чиглэлд Шаамар, Зүүнбүрэн чиглэлийн зам орно.
“Монгол ЛЗ зам гүүр” ХХК нь нийгмийн хариуцлагын хүрээндээ Зүүнбүрэн суманд үүссэн үерийн аюултай нөхцөл байдлыг богино хугацаанд арилгах, стратегийн бүс нутгийн зорчих хөдөлгөөнийг хэвийн горимд шилжүүлэхэд өөрийн компанийн ажиллах хүч, техник хэрэгслээр ханган ажиллаж аймаг, сумын Онцгой комиссын үйл ажиллагаанд дэмжлэг үзүүлж хамтран ажилласан тул аймгийн Засаг даргын "Талархал"-ыг тус компанийн хамт олонд аймгийн Онцгой комиссын гишүүн, Засаг даргын орлогч Ж.Сайнцог хүлээлгэн өгч, ажилд нь амжилт хүслээ.
