Мастерс ангиллын чөлөөт бөхийн 2023 оны дэлхийн аварга шалгаруулах тэмцээн Грек Улсын Лоутраки хотноо энэ цаг мөчид зохион байгуулагдаж байна. Тус тэмцээнд оролцож байгаа Монгол Улсын шигшээ багийн 100 кг-ын жинд Сэлэнгэ аймгийн Баруунбүрэн сумын харьяат Орхон аймгийн Хангарьд спорт клубийн тамирчин чөлөөт бөхийн спортын мастер, Монгол Улсын хошой аварга, Улсын харцага Нарангэрэлийн Саранцогт Румын, Турк, АНУ-ын бөхчүүдийг ялж дэлхийн аваргын хүрэл медаль хүртэж улс эх орныхоо нэрийг европын тэнгэрт дуурсгалаа. Харцагадаа халуун баяр хүргэе.