Аймгийн сонгуулийн хорооноос "Сонгогчийн өдөрлөг" арга хэмжээг бүсчилсэн байдлаар зохион байгуулж байгаа. Өнгөрсөн өдрүүдэд Хараа, Ерөө, Сэлэнгэ, Бэлчир бүсэд зохион байгуулсан бол өнөөдөр баруун таван сумын бүсийн төв Сайхан суманд өдөрлөг арга хэмжээ явагдаж байна. Тус өдөрлөг нь Монгол Улсын Их Хурлын сонгуулийн тухай хуульд оруулсан нэмэлт өөрчлөлт, сонгуулийн шинэ тогтолцоо, санал тэмдэглэх заавар, тэдгээрийн онцлог болон сонгууль зохион байгуулах үйл ажиллагааны талаар иргэд, сонгогчдыг мэдээллээр хангах үндсэн зорилготой билээ.