- Аймгийн тухай
- Удирдлага
- ТАЗС зөвлөл
- Мэдээ
- Нийгэм, э/з
- Ил тод байдал
- Шилэн данс
- Нээлттэй аймаг
Мэдээ
ХБНГУ-ын Конрад Аденаурын сангийн санхүүжилтээр зохион байгуулж буй “Иргэдийн оролцоо” сургалт 2015 оны 10 дугаар сарын 21-ний өдөр Сэлэнгэ аймагт зохион байгуулагдлаа. Тус сургалтыг Монгол улсын Ерөнхийлөгчийн Тамгын газраас зохион байгуулж байгаа бөгөөд сургалтаар 2014 оны 01 дүгээр сарын 01-ний өдрөөс хэрэгжиж эхэлсэн Төсвийн тухай хууль түүний дотор Орон нутгийн хөгжлийн сан, Шилэн дансны тухай хуулиудад иргэдийн оролцоог хэрхэн хангасан тухай иргэдэд сурталчлах, иргэдийн оролцоог нэмэгдүүлэх, хуулийн хэрэгжилтийн талаар орон нутгийн байдалтай танилцах, хууль хэрэгжүүлэхэд үүсч байгаа нөхцөл байдлыг судлах зэргээр иргэдэд мэдээлэл хүргэлээ. Тус сургалтын гол зорилго нь Монгол хэлний тайлбар толь бүтээхэд орон нутгийн иргэдийг татан оролцуулах, иргэний оролцоог эх хэл, соёлтой холбон идэвхжүүлэхэд оршиж байгаа аж. Сургалтыг Монгол Улсын Ерөнхийлөгчийн Тамгын газраас томилсон багийн ахлагч, Монгол хэлний толь бүтээхэд иргэдийн оролцоо сургалтыг Шинжлэх Ухааны Академийн хэл зохиолын хүрээлэнгийн судлаач удирдан явууллаа. Сургалтанд Сэлэнгэ аймгийн Засаг даргын Тамгын газрын дэргэдэх хэлтэс, албадын мэргэжилтнүүд болон Сүхбаатар сумын 8 багийн иргэдийн төлөөлөл, Сүхбаатар сумын ерөнхий боловсролын сургуулиудын монгол хэлний багш нар оролцлоо.