Сэлэнгэ аймгийн ЗДТГ, ССАЖГ, Монгол туургатны “Урамтай шатар” холбоо, Сэлэнгэ аймгийн шатрын холбоо, Орхонтуул сумын “Хурай”ХХК хамтран зохион байгуулсан аймгийн Засаг даргын нэрэмжит “Сэлэнгэ хурай-2013” Монгол туургатны олон улсын шатрын тэмцээн 11-р сарын 01-03-ны өдрүүдэд Сэлэнгэ аймгийн төв Сүхбаатар хотноо амжилттай явагдаж аваргуудаа тодрууллаа.
Тэмцээнд ОХУ, БНХАУ, Монгол Улсын Архангай, Булган, Багануур, Говьсүмбэр, Дархан-Уул, Орхон, Өвөрхангай, Сэлэнгэ, Хөвсгөл, Хэнтий аймгуудын нийт 300-гаад тамирчид бүх насны төрөлд оюун ухаанаа уралдуулсан юм. Монгол Улсын гавьяат дасгалжуулагч Жигжидсүрэн, их мастер Д.Шаравдорж, Батчулуун, ОХУ-ын гавьяат дасгалжуулагч Ванчиков Сергей Цыбыкович, өсвөрийн ирээдүйтэй фиде мастер Лхагвасүрэн, Гүнбаяр, Г.Учрал, Х.Эрдэнэдорж нарын олон арван шилдэг тамирчид, дасгалжуулагчид хүрэлцэн ирсэн нь тэмцээнийг улам бүр сонирхолтой болгож байв.
![](/beta/upload/other/3-2.jpg)
Тус тэмцээний 8 хүртэлх насны эрэгтэйчүүдэд 59 хүүхэд оюун ухаанаа сорин өрсөлдсөнөөс:
1.Х.Тэмүүжин /Уран нүүдэл/
2.Н.Очирваань /Дарханы Оюуны –Ирээдүй/
3.Ч.Эрхэмбаяр /Багануур/
Эмэгтэйчүүдэд 31 хүүхэд өрсөлдсөнөөс:
1.Б.Мөнгөнзул /Хангарьд/
2.Б.Амин-Эрдэнэ /Сэлэнгэ/
3.Д.Мөнхзул /64 шатрын төв/
12 хүртлэх насны эмэгтэйчүүдэд 42 хүүхэд өрсөлдсөнөөс:
1.Г.Учрал /Сэлэнгэ Алаг морьт шатрын клуб/
2.Б.Хүслэн /Цагаан морь/
3.А.Буянзаяа /Хэнтий/
Эрэгтэйчүүдэд 70 хүүхэд өрсөлдсөнөөс:
1.Э.Нямбилэг /Хэнтий
2.Ш.Чингүн /Сэлэнгэ Алаг морьт/
3.Ц.Тэнгис /Зууны шатар/
А ангилалд 33 эмэгтэйчүүд өрсөлдсөнөөс:
1.Ү.Үүрийнтуяа /Хан-Алтай/
2.С.Сарантунгалаг /Төгс нүүдэл/
3.С.Жаргалмаа /Сэлэнгэ/
А ангилалд 126 эрэгтэйчүүд өрсөлдсөнөөс:
1.Их мастер Д.Шаравдорж /Хан-Алтай/
2.С.Билгүүн /Хан-Алтай/
3.Б.Галмандах /МУИС/ нар эхний 3 байрыг эзлэв.
Энэхүү тэмцээн нь 12-р сард Арабын Эмиратад болох дэлхийн аваргын өмнөх томоохон сорилго тэмцээн боллоо.