Сэлэнгэ аймаг бүх төрлийн спортыг тэр дундаа бүх нийтийг хамарсан спортын төрлийг хөгжүүлэхийг үндсэн зорилгоо болгон ажиллаж байна.

Өглөөний гимнастик, уулын алхалт, дугуйн спортын төрлүүдээр хичээллэгсдийн тоо нэмэгдэж энэ төрлийн спорт эрчимтэй хөгжиж байгаа юм. Эдгээрээс гадна нийтийн биеийн тамирын спортын  нэг төрөл болох “ӨРТӨӨТ МАРАФОН”-ы тэмцээн өнөөдөр Буур хээрийн талд зохион байгуулагдаж байна.

Тэмцээнд оролцогч багууд өртөөчилсөн хэлбэрээр тодорхой зайг туулах байдлаар тус тэмцээн зохион байгуулагдаж байгаа юм.