- Аймгийн тухай
- Удирдлага
- ТАЗС зөвлөл
- Мэдээ
- Нийгэм, э/з
- Ил тод байдал
- Шилэн данс
- Нээлттэй аймаг
Нийгэм, э/з
Энэ сарын 20,21-ний өдрүүдэд Нийслэлийн Засаг дарга бөгөөд Улаанбаатар хотын захирагч С.Батболд нийслэлийн ЗДТГ-ын албаны хүмүүсийн хамт манай аймагт ажиллалаа. Энэхүү томилолт нийслэлийн ЗДТГ, Сэлэнгэ аймаг хооронд байгуулсан хамтын ажиллагааны санамж бичгийн хэрэгжилттэй танилцаж, орон нутгийн баялаг бүтээгчидтэй уулзахад чиглэгдлээ.
Нийслэлийн Засаг дарга албаны хүмүүсийн хамт Шаамар сумын ногоочин, зөгийчидтэй уулзалт зохион байгуулж, санаа бодлыг нь сонсон харилцан ярилцлаа.
Өнгөрөгч 5 дугаар сард Улаанбаатар хотноо "Алтан гурвалжин-Хөгжлийн бүс" зөвлөлдөх уулзалт болж Төв, Булган, Дархан, Сэлэнгэ, Орхон аймгууд оролцсон. Энэхүү уулзалтын хүрээнд төвийн бүсийн аймгуудтай нийслэлийн ЗДТГ хамтран ажиллах санамж бичиг байгуулсны нэг нь манай аймаг. Санамж бичигт эдийн засгийг бүсчлэн хөгжүүлэх, Улаанбаатар хот орон нутаг хоорондын дэд бүтцийг эрчимжүүлэх, бүс нутгийн үйлдвэрлэлийн салбарыг дэмжин хөгжүүлэх, бүс нутгийн тулгамдсан асуудлуудыг шийдвэрлэхэд чиглэгдсэн инновацийн хамтарсан төсөл хөтөлбөр хэрэгжүүлэх зэрэг бүс нутагтай уялдсан олон ажил арга хэмжээг хамтран хэрэгжүүлэхээр тусгасан.
Сэлэнгэ аймгийн удирдлагын баг Монгол Улсын төмс хүнсний ногооны 40 хүртэлх хувийг дангаараа үйлдвэрлэж хүнсний аюулгүй байдлыг хангах үүргээ нэр төртэй биелүүлж яваа ногоочдынхоо бүтээгдэхүүнийг эдийн засгийн эргэлтэнд оруулахад нийслэл хоттой хамтран ажиллахаар боллоо. Үзэсгэлэн худалдааны үеэр худалдаачдад тулгардаг зай талбай, зогсоолын асуудлыг нийслэл хотын удирдлагуудын зүгээс шийдвэрлэж, Сэлэнгэ аймгийн ногоочдод худалдаа эрхлэх нөхцөл боломжоор хангах юм. Энэ нь ченжийн гар дамжилгүй эрүүл хөрсөнд ургасан Сэлэнгэ аймгийн төмс, хүнсний ногоог нийслэлийн иргэд хямд үнээр худалдан авах таатай боломж.
Цаашид жилийн 4 улиралд борлуулалтыг тасралтгүй дэмжиж ажиллах асуудал дээр хоёр тал харилцан ярилцаж байна. Ийнхүү Сэлэнгэчүүд нийслэлчүүдийг эх нутгийнхаа хөрсөнд ургасан төмс хүнсний ногоогоор хангахаар боллоо.