Сэлэнгэ аймаг бол Монгол Улсын “Шилдгийн шилдэг” аймаг. Энэ шилдэг аймгаас энэ жил Монгол Улсын тэргүүний сумаар газар тариалангийн өлгий нутаг Цагааннуур сум шалгарч хаврын адаг сарын шинийн 15-ны энэхүү билэгт сайн өдөр шагналаа гардан авлаа. Шагналыг Монгол Улсын ЗГХЭГ-ын дарга, УИХ-ын гишүүн С.Баярцогт, УИХ-ын гишүүн Ж.Эрдэнэбат, аймгийн Засаг дарга С.Бүрэнбат нар гардуулан өглөө. Ийнхүү Сэлэнгэ аймаг "Улсын тэргүүний сум" гуравтай боллоо. Үүний  өмнө 2010 онд Мандал сум, 2012 онд Баянгол сумууд тус тус энэхүү эрхэм хүндэт шагналыг хүртэж байв.