- Аймгийн тухай
- Удирдлага
- ТАЗС зөвлөл
- Мэдээ
- Нийгэм, э/з
- Ил тод байдал
- Шилэн данс
- Нээлттэй аймаг
Нийгэм, э/з
Энэ сарын 27-ны өдөр ОХУ-ын Буриад улсын Ерөнхийлөгч В.В.Наговицын тэргүүтэй төлөөлөгчид Сэлэнгэ аймгийн Алтанбулаг дахь АЗШНБоомтод хүрэлцэн ирж Сэлэнгэ аймгийн Удирдлагуудтай хил болон хил орчмын асуудлаар харилцан санал солилцлоо. Уулзалтанд Сэлэнгэ аймгийн талаас аймгийн ИТХ-ын дарга Ж.Санжжав, Засаг дарга С.Бүрэнбат болон хил, гааль, хилийн цэрэг, хилийн мэргэжлийн хяналтын байгууллагын удирдлагууд оролцлоо.
Хил болон хил орчмын асуудлаар хөрш аймгийн удирдлагууд олон удаа уулзалдаж, үүсч байсан асуудлуудыг тухай бүрт нь түргэн шуурхай шийдвэрлэн ажиллаж ирсэн. Жишээлэхэд монгол түмний уламжлалт цагаан сарын өмнөхөн Монгол талаас ОХУ-руу гарах урсгал ихсэж, дараалал үүсэн хилийн ачаалал нэмэгдэн, иргэд хэд хоногоор хүлээн, хүндрэл гарч, бухимдал үүсэж байсан. Дээрх асуудлыг хоёр талын уулзалтуудаар шийдвэрлэж чадсан юм.
Энэ удаа ОХУ-ын Буриад улсын Ерөнхийлөгч В.В.Наговицын хил орчмын байдалтай танилцах, тулгамдаж буй шийдвэрлэх ямар асуудал байгаатай танилцахаар ирсэн байв. Уулзалтын үеэр Иргэний харьяалал, шилжилт хөдөлгөөний Сэлэнгэ аймаг дахь газрын дарга Р.Одмөнх, Сэлэнгэ дэх Гаалийн газрын дарга н.Баярмагнай, Хилийн 0101-р ангийн захирагч, хурандаа С.Энхсүх нар цагийн байдлын талаар мэдээлэл өглөө. Дараа нь Сэлэнгэ аймгийн Засаг дарга С.Бүрэнбат гурван асуудлаар санал тавьсан. Тэрээр:-”Нэгдүгээрт манай Сүхбаатар орчмын хүмүүсийн аж амьдрал ОХУ-тай холбоотой байдаг. Эдгээр иргэд маань хилээр олон удаа гардаг. Энэ хүмүүст хил гааль, хилийн цэргийн ажилтнууд таатай, таагүй харьцдаг зан харилцааны асуудал гарч байна. Тухайлбал цагаан хуудсаар гардаг хүмүүст янз бүрийн байдлаар хүндрэл учруулдаг тухай олон удаа мэдээлэл ирсэн. Хоёрдугаарт даатгалын асуудал их хүндрэлтэй байгаа. Хойшоо гарч байгаа машинууд даатгал төлдөг. Тэр даатгал нь 2-3 хоногийн хугацаанд гараад ирэхэд 60-70 мянган төгрөг болж байна. Энэ бол тухайн хүмүүст их зардал. Үүнийг хил дээр байгаа хүмүүс бус хилийн цаана байгаа замын цагдаа, хяналтын байгууллагуудынхан ихээхэн шаарддаг. Энэ асуудлыг анхааралдаа авнахыг хүсч байна. Гуравдугаарт дан ганц манай Сэлэнгэ ч биш. Үүгээр явж байгаа олон иргэдийн тухайд хэлний асуудал гарч байна. Хилээр гарч байгаа хүмүүс мэдүүлэг бөглөдөг. Деклераци гэж ярьдаг. Хил дээр шаардаж байгаа бичиг баримтыг бөглөхийн тулд орос хэл мэдэхгүйгээсээ болж хүндрэл учирч байна. Иймээс энэ мэдүүлгийн хуудсыг монгол хэл дээр гаргаж, хувь хүний харилцаа руу нэлээд анхаарна уу гэдэг асуудлаар Буриад улсын Ерөнхийлөгчтэй харилцан ярилцаж, тохиролцлоо.